It Mozilla Festival, ek wol mei leafde bekend as MozFest en organisearre troch de Mozilla Foundation, brûkt de kollektive krêft fan ûnferwachte gearwurkingsferbannen – fan analoge artysten en technologen dy't harren ynsette foar it algemien belang oant beliedsmakkers en neuroferskate aktivisten – om de status quo kreatyf te fersteuren en ús online wrâld opnij te meitsjen en te ferbyldzjen.
Wy skriuwe koade. Wy kreëarje keunst. Wy brainstoarmje oer produkten en belied dat de brûker foarop stelt. En wy dogge it as ien kollektive beweging. Mei-inoar binne wy sterker en kinne wy mear berikke nei ús mienskiplike doel: in sûn ynternet en betroubere AI.
Wat makket MozFest unyk?
Iepen, hackber, opkommend
MozFest-sesjes binne ynteraktyf, meisleepjend en oanpasber. In tredde fan alle oanwêzigen organisearret in sesje op it festival, wêrfan der in protte op de dei fan it festival pland binne, wat in opkommende en trochgeande útwikseling fan kennis befoarderet. Dit stipet de meast bliuwende slogan fan MozFest: arrivearje mei in idee, fertrek mei in mienskip.
Ferskaat en ynklusiviteit
By MozFest ferwolkomje wy elkenien dy't harren ynset foar it bouwen fan in soarchsume en rjochtfeardige online kultuer, in sûn ynternet en AI dy't minsken foardiel biedt yn stee fan harren skansearret. As festivalteam dogge wy der alles oan om derfoar te soargjen dat elk ûnderdiel fan MozFest – fan ú oprop ta it yntsjinjen fan foarstellen ta de sesjes en eveneminten bûten kantoaroeren – sa iepen en tagonklik mooglik is troch minsken út te nûgjen mei in grutte ferskaat oan eftergrûnen, ûnderfiningen, en geografyske gebieden om diel te nimmen oan ús kreklike wurk.
Mienskip en federearre ûntwerp
Us festivalmienskip komt út alle hoeken fan de ynternetsûnensbeweging; in opkommende groep ynternetbrûkers, akademisy, bouwers en aktivisten dy't stride foar in mear humane digitale wrâld. It festival is mei ûntwurpen troch tsientallen minsken út dizze mienskip en soarget foar wrâldwide fertsjinwurdiging om de ynternetsûnensproblemen dy't der it meast ta dogge oan de oarder te stellen.
Elkenien dy't belutsen is by de MozFest-mienskip, ûnderfynt wat bjusterbaarliks en yndrukwekkends: nije gearwurkingen en ideeën foar ymplemintaasje yn harren deistige wurk en freonen foar it libben.
Festivalferhalen en tema's
Betroubere AI op MozFest
By Mozilla sette wy ús yn om de wrâld te helpen keunstmjittige yntelliginsje (AI) te berikken dy't oantoanber fertrouwen wurdich is. Privacy, earlikheid, fertrouwen, feilichheid en transparânsje binne allegearre nedich yn 'e kearn fan AI-produkten en -prosessen om betroubere AI te realisearjen.
By MozFest stipet dit de Romten en Sesjes, wêrtroch elkenien syn wurk, petearen en gearwurkjende ynspanningen stimulearre wurde om ien mienskiplik doel te berikjen.
Romten op MozFest
Tink oan Romten (Spaces) op MozFest as mini-festivals. Binnen elke Romte kinne dielnimmers alles fine wat se nedich binne: ynteraktive, troch de mienskip liede sesjes, ynspirearjende petearen, keunstynstallaasjes, in soad kofje, en mienskiplikheid. Meardere aktiviteiten wurde tagelyk pland, sadat dielnimmers sels binnen in Romte harren eigen aventoer kieze kinne.
MozFest 2022-romten
Net allinnich ûndersykje hoe’t neurodiverginte, genderferskate en oare yndividuën tagong krije ta soarch yn it digitale tiidrek, mar ek hoe’t mienskippen omgean mei wolwêzen.
AI is fier fan wrâldwiid. Hoe kinne mear ferskate folken en wearden de takomst fan AI feroarje, no’t AI-systemen standert westerske wearden ynbêdzje?
Yn 2020 binne mear as ien miljard records mei persoansgegevens lekt. Docht privacy der noch ta, of wurdt snuffeljen de nije noarm?
Slút jo oan by de romte foar Digitalisearring fan Kultueren en Talen om de ferskate kultueren, it erfgoed en de talen fan oer de hiele wrâld te ko-kreëarjen en te hacken.
In romte foar minsken dy’t pasjonearre binne troch genderrjochtfeardigens, mei in takomstfisy op technology dy’t de belibbingswrâld fan marzjinalisearre groepen sintraal stelt.
Soargen oer misynformaasje en de ympakt fan desynformaasje op de ferbeane maatskippij? Litte wy ûnderfiningen útwikselje oer desynformaasje, misynformaasje en AI!
It beskermjen fan mienskippen tsjin AI-skea is kompleks en urgint. Hokker kontrôles op de macht fan AI hawwe wy nedich? Is der in plak foar etyk yn it behear fan AI?
Untdek hoe’t it trochtocht gebrûk fan digitale technologyen essinsjeel is om klimaatferoaring oan te pakken en in duorsume takomst op te bouwen.
Jongerein & Takomstfisy wurdt net allinnich organisearre foar, mar ek troch jongeren. Likefolle dyn leeftiid, taal of lokaasje sille wy diele, lústerje, kreëarje, ynnovearje en plezier hawwe!
Kom yn kontakt mei ús
De MozFest-mienskip wachtet net ta it festivalwykein om ferbining te meitsjen en gear te wurkjen. Der binne in protte manieren om op elk momint fan it jier diel te nimmen:
- Doch mei op Slack om yn kontakt te kommen mei eardere en aktuele wranglers, facilitators, frijwilligers, produksjemeiwurkers en dielnimmers lykas jo.
- Skriuw jo yn foar de festivalnijsbrief om op de hichte te bliuwen fan de mooglikheden yn de mienskip en by Mozilla, wêr't jo mei helpe kinne.
- Folgje ús op Twitter en LinkedIn foar de meast aktuele ynformaasje oer festivalnijs en updates.